1
ЧекорИзлупете ги компирите, измијте ги и исечете ги на тенки кругови, дебели околу 3-4 мм. Посолете ги малку и оставете ги настрана.
Главни јадења
Мусака со компири и мелено месо
Класична домашна мусака со слоеви тенко сечени компири и мешано мелено месо, пропржено со кромид и црвен пипер.
Време
Подготовка30 мин
Готвење1 ч
1 ч 30 мин
Порции
6
Тежина
Средно
М
Марија Велјаноска
Сите рецептиПред 4 часа3 рецепти
Содржината е во сопственост на авторот и се користи со негова согласност.
Услови ↗Состојки
за 6 порции
За слоевите
- 1,5 килограми компири
- Сол по вкус
- 2 супени лажици масло
За филот
- 600 грама мелено месо (мешано свинско и говедско)
- 2 средна главица кромид
- 4 супени лажици масло
- 1 супена лажица црвен пипер
- Црн бибер по вкус
- Сол по вкус
За печење
- 200 милилитри вода
За преливот
- 3 цели јајца
- 300 милилитри млеко
- Сол прстофат
Подготовка
8 Чекори
2
ЧекорВо тава загрејте го маслото и пропржете го ситно сечениот кромид на умерен оган околу 5 минути, додека не омекне.
3
ЧекорДодадете го меленото месо и пржете го околу 10 минути, разделувајќи го со вилушка, додека не ја испушти течноста и не побелее. Тргнете ја тавата од огнот, додадете го црвениот пипер, посолете и додадете бибер по вкус и промешајте.
4
ЧекорЗагрејте ја рерната на 200 степени. Подмачкајте тепсија со маслото за слоевите и наредете ред компири на дното.
5
ЧекорВрз компирите распоредете дел од месото, па продолжете наизменично да наредувате ред компири и ред месо додека не ги потрошите. Последниот ред нека биде од компири.
6
ЧекорПрелијте ја мусаката со водата, покријте ја тепсијата со фолија и печете околу 40 минути, додека компирите не омекнат.
7
ЧекорВо меѓувреме изматете ги јајцата со млекото и прстофат сол. Извадете ја тепсијата, отстранете ја фолијата и рамномерно прелијте ја мусаката со преливот.
8
ЧекорВратете ја во рерна и печете уште околу 20 минути, додека површината не добие златна кора. Оставете ја да отстои 10-15 минути, па исечете ја на парчиња и послужете.
Совет од готвачот
Оставете ја мусаката да отстои 10-15 минути пред сечење, така парчињата ќе останат цели и ќе се сечат убаво. Компирите сечете ги колку што можете потенко и рамномерно за да се испечат подеднакво. Ако површината почне премногу да потемнува, покријте ја тепсијата со фолија. Најубаво се служи со кисело млеко или свежа салата.
