1
ЧекорПилешките гради исечете ги на парчина по желба,помали или поголем. Посолете ги, ставете бибер и промешајте ги малку во брашно.
Главни јадења
Пилешки стек на тава со сос од печурки
Тенки стекови од пилешки гради, пржени на тава до златно, а однатре сочни и мекки. Во истата тава потоа се прави кремаст сос од шампињони, кромид, лук и готвачка павлака, кој ги собира сите вкусови од пржењето. Брза и вкусна вечера за 30 минути, со само една тава за миење.
Време
Подготовка10 мин
Готвење20 мин
30 мин
Порции
4
Тежина
Лесно
Состојки
за 4 порции
За сосот
- 400 грама свежи шампињони
- 1 средна главица кромид
- 3 чешниња лук
- 100 милилитри пилешка супа или вода
- 1 мала китка свеж магдонос
- 200 милилитри павлака за готвење
- 600 грама пилешки гради
- 2 супени лажици брашно
- 2 супени лажици масло
- 30 грама путер
- Сол по вкус
- Црн бибер по вкус
Подготовка
7 Чекори
2
ЧекорВо голема тава загрејте го маслото и половина од путерот на средно јака температура. Пржете ги стековите по 3-4 минути од секоја страна, додека не станат златни и целосно испечени. Извадете ги во чинија и покријте ги.
3
ЧекорВо истата тава ставете го останатиот путер и ситно сецканиот кромид. Пржете 2-3 минути, додека кромидот не омекне.
4
ЧекорДодајте ги исечените шампињони и пржете ги на појака температура 5-6 минути, додека не испари течноста и не добијат боја. Додајте го ситно сецканиот лук и пржете уште една минута.
5
ЧекорНалејте ја супата или водата и со дрвена лажица промешајте. Оставете да зоврие 1-2 минути.
6
ЧекорНамалете ја температурата, па потоа додадете ја павлаката за готвење, па додадете сол и бибер по вкус. Варете 2-3 минути, додека сосот малку не се згусне.
7
ЧекорВратете ги стековите во тавата заедно со сокот што го пуштиле и загрејте ги во сосот 4-5 минути. Посипете со ситно сецкан магдонос и послужете веднаш.
Совет од готвачот
Ако тавата е помала, пржете ги стековите во две тури, за да се запечат убаво, а не да се динстаат. Не ги пржете подолго од потребното, бидејќи ќе останат сочни и кога ќе се вратат во сосот. Наместо пилешка супа може да се стави и вода. За посвежа арома додадете неколку капки лимонов сок на крајот. Убаво оди со пире од компири, ориз или зелена салата.
