Домашен крцкав леб печен во пекач

Научете како да направите вкусен оброк следеќи ги инструкциите на овој рецепт "Домашен крцкав леб печен во пекач".

• Чекор 1

  Во вангличка се ставаат млаката вода квасецот,шеќерот и лажиче брашно. Се промешува и се остава 10 м квасецот да се активира. Потоа се додава брашно и се меша со шпатула додека да се соединат состојките. Со набрашнета рака се домесува убаво тестото,кое е доста лепливо. Врз тестото се става едно лажиче зејтин,се размачкува со рака за да не фати коричка. Се покрива тестото и се остава на топло да се дуплира. Потоа пак тестото еднаш се премесува,пак се покрива и се остава на топло уште 20 минути

  • 
  • 
  • 

• Чекор 2

  Потоа,работната маса нежно се набрашнува и врз неа се истура тестото. Нежно со дланките се прави правоаголна форма,се преклопува,како на сликите. Долгнавестата форма пак 2,3 пати се преклопува. Во длабок сад ставаме хартија за печење и нежно го префрламе тестото. Го покриваме со чиста крпа.

  • 

• Чекор 3

  Релната ја загреваме на 200с и во неа ставаме пекач,заедно со капакот и тој да се загрее. После 20,25 м внимателно го вадиме пекачот од релна,жежок е,и со помош на хартијата го ставаме втасаното тесто во пекачот,со остар нож правиме 2 засеци,го покриваме пекачот со капак и го ставаме во релната. Така со капак печиме 30 минути.

  • 

• Чекор 4

  Потоа го вадиме капакот на пекачот,ја намалуваме релната на 180 с и печиме уште 20 мин,односно додека лебот не зарумени. Внимателно го вадиме на решетка да се излади. Потоа сечиме со остар нож,уживаме во меката внатрешност на лебот и крцкавата коричка

  • 

• Совет

  Пробајте го,домашно си е домашно