Крап од рерна

Научете како да направите вкусен оброк следеќи ги инструкциите на овој рецепт "Крап од рерна".

• Чекор 1

  Надворешните страни на крапот исечете ги на неколку места со остар нож. Потоа убаво посолете и посипете со свежо мелен бибер и убаво втријте ги во направените засеци на рибата.

• Чекор 2

  Во внатрешноста на крапот ставете две половинки лимон.

• Чекор 3

  На крај рибата посипете ја со малку маслиново масло.

• Чекор 4

  Садот во кој ќе ја печете рибата обложете го со алуминиумска фолија и благо премачкајте го со масло.

• Чекор 5

  На алуминиумската фолијата посипете го сецканиот лук и сецканиот свеж магдонос или целер, како и со исцеден сок од 1/2 лимон.

• Чекор 6

  На тоа ставете ја рибата, поклопете или покријте ја со алуминиумска фолија и ставете да се пече во загреана рерна на 200 целзиусови степени околу 40 до 45 минути.

• Чекор 7

  Потоа рибата прелијте ја со сокот од втората половина од лимонот и вратете да се допече уште 10-15 минути откриена. Рибата треба да остане сочна од внатре, а надворешноста треба да добие убава златно-кафена боја.

• Чекор 8

  Печената риба извадете ја од рерна, сочекајте неколку минути (за да полесно ја одвоите од фолијата) и потоа сервирајте ја со некој прилог или салата, по желба.