Белките се матат со шеќерот, се додава брашното и прашокот за пециво. Смесата истурете ја во тава обложена со хартија за печење и печете на 200 степени околу 30 минути. Сварете 100 мл млеко и ванилин шеќер. Печениот бисквит одвојте го од хартијата, избоцкајте го и прелијте го со врело млеко. Оставете да се излади.

Сварете 400 мл млеко. Изматете ги жолчките и шеќерот, па прелијте го со врело млеко. Повторно ставете го на шпорет, па сварете го кремот со постојано мешање. Штом ќе зоврие тргнете го од оган. Измешајте желатин фикс во топлиот крем. Посебно изматете 300 мл слатка павлака, па измешајте со млака павлака. Оставете да се излади.

Чоколадото и бисквитот јафа изрендајте ги. Додадете во кремот кој е целосно изладен, па сè убаво измешајте.

На плехот ставете го бисквитот, па ставете го работ од калапот за торта кој го обложивме со фолија. Ставете го кремот врз бисквитот, па оставете го во фрижидер час до два, за да се стегне кремот.

Кога кремот ќе се стврдне, извадете ги рабовите од калапот, а целата торта премачкајте ја со шлаг по вкус. Декорирајте по желба, па послужете.